BLOG

近半年無心寫blog, 竟然可以被一件剛買兩天的垃圾激發到我開始寫…

這件垃圾甚至連本身應有功能也欠奉, 只好在這裡發洩一下, 希望各方朋友別再被這公司的零質素產品困擾…

剛啓動15分鐘後才發覺, 作其中一賣點的BT功能根本是廢的! 中文的torrent名稱變然看不到! 好! 當我就範, 把中文torrent名改成英文! 把torrent種子加上去後, 原本BT內裡的中文檔案名變了一堆垃圾code, 亦download不到!

算, 拿一個全英文的torrent試! BT的file也是英文的! 這次它幫我create了一堆BT file內容, 但細心看! Shit! 在queue內的BT的torrent自動消失了! 好像沒加一樣! 也是download不到!

攪了半天! 也攪不好! 以為上網download firmware更新一下就沒事, 點知網上可提供的firmware竟是05年的1.02… default安裝的竟然比較新1.05, 06年中的… (無言)

它的內建Web Server Hang機情況也是很嚴重! 經常連admin console也進不了!

算! 把心一橫, 650元只當它做回它的本行… Network Storage算! @!%%^$$#@&^

將PC上的大約4Gb File抄進它的Harddisk看看! (用Samba連線) Lunch前copy過去, 怎料lunch後(大約已過了個半小時)回到辦公室, 仍在copying~ 攪X錯~ 是在用modem 28.8k上存嗎?!

一直至放工也再沒有理會它, 任由它自生自滅罷…

—

第二天回到公司… 它在沒有任何工作的情況下, hang了機… #!@@#^&#!@&

垃圾, 簡直係我接觸了十多年電腦中見到最垃圾的硬件, 廠商及支援服務…

(發洩完, 阿門)

如果可以選擇, 我希望我懂彈琴, 有口難開… 倒不如把心聲隨琴鍵清脆地送到遠方…

前兩天經過朋友的BLOG, 正好遇見一首我很喜愛的歌曲, 順手牽羊, 希望朋友別介意, 我每年也會緊記你生日的…

http://us.i1.yimg.com/cosmos.bcst.yahoo.com/player/media/swf/FLVVideoSolo.swf

你有否想過msn時刻丟著你的message? 這種不直接的對話很容易產生誤會?

以我為例, 不知覺地在msn得罪人也不知有多少次~ 被說沒有回覆! 或者討論中無故跑掉或不發言…

發覺後只覺得啼笑皆非!

不想被小器的朋友誤會, 別玩msn~ 直接見面或打電話不是更好?

—

朋友, 是的, 我是在寸你! 請對號入座…

(時常丟口訊的人上)

一首冇歌詞, 只有讀白既曲, 原來可以有咁大魔力! 令我不斷重複去聽… 重複去聽… 重複去聽… 重複去聽… 重複去聽…

救命呀~!

同大家分享一下!

—

曲：陳輝陽
文：陳慧
讀：李香琴

再見

唔好怪我第一句就同你講再見
因為我真係專程來同你道別架

你知道我係邊個架　不過你唔記得左之嘛

我記得你嘅　你總係笑咪咪咁望住我
你唔講嘢　淨係聽我講嘢　
嗰陣時個世界好安靜　無而家咁嘈
襯得我特別吱喳　特別開心

我記得你隻手掃過我背脊嘅感覺
我記得同你去睇影畫戲　你會喺我耳仔邊講嘢　
你講得好細聲　其實我一啲都聽唔清楚
不過　我好鍾意聽你咁樣同我講嘢
以後　再冇人咁樣同我講嘢喇

我記得你好鍾意睇日落
睇完日落就去聽音樂會　我地又會成日散步去食宵夜
嗰陣唔知點解　周不時都分唔清楚究竟係星期幾
日子好似唔會過去嘅　時間好似喺停左落黎咁
然後　忽然間　就發覺原來已經經過左好多年

我記得　好痛　因為你話俾我知你要走
我無再睇過日落　亦都無再同人食宵夜

原來　難過既日子　一樣係好似唔會過去
然後　又係一眨眼　至發覺已經過左好多年

我記得　你同我去過嘅每一個地方　我唔會再去喇
嗰啲茶座　舞廳同花園　
而家係點　我唔知喇
嗰啲地方　通通留喺我心裡面
不過　我知道　你唔記得架喇　
唔緊要　我一個人記住就得啦

我唔會講　我老啦　
我只係會講　我喺度太耐
時間耐左　難免知道人總會慢慢咁將過去淡忘
又會睇住啲嘢　無聲無息咁樣消失

我點解要走　怪我自己啦
我先兩日　唔知諗緊乜嘢
無端端走咗去睇日落
個日落　就同我記得陪住你睇嗰個樣一樣
不過　就算我點樣裝出若無其事
我都冇辦法唔承認
我失去嘅嘢實在太多喇

我要走喇　如果你記得返我係邊個
我知道　你一定會好唔捨得我
仲會好掛住我

再見

兩日以來, 聽左過百次~
只係因為聽極都參透唔到歌詞究竟講緊d乜~

最勁都係出動琴姐既讀白~ 配埋d音樂, 好有粵語殘片d鬼故feel!

一個人夜晚返屋企聽住耳機, 上樓梯果陣, 都咪話唔驚!

—

十二金釵 – 三千年前 featuring 李香琴．關淑怡

主唱: 關淑怡
讀白: 李香琴

—

(讀白)

再見!　

唔好怪我第一句就同你講再見
因為我真係專程黎同你道別咖

你唔講嘢　淨係聽我講嘢　
嗰陣時個世界好安靜　冇而家咁嘈　
襯得我特別吱喳　特別開心

我記得　同你去睇日落
你會係我耳仔邊講嘢　你講得好細聲
其實我一啲都聽唔清楚咖

不過　我好鍾意聽你噉樣同我講嘢
以後　再冇人咁樣同我講嘢喇
因為你話畀我知　你要走喇
忽然間　經過咗好多年
我冇再睇過日落

(唱)

趁熄滅前　還可一見
蠟成了灰　沾污了我的臉
眾生蔓延　淚海被填
浪漫擱淺　舊歡不變

(讀白)

我記得　你同我去過嘅每一個地方
嗰啲地方　通通留喺我心裡面　我唔會講

我老喇　我只係會講
我喺度太耐　時間耐咗
難免知道人總會慢慢咁將過去淡忘
又會睇住啲嘢　無聲無息咁樣消失

我點解要走?

我先兩日　唔知諗緊乜嘢
無端端走咗去睇日落
個日落　就同我記得陪住你睇嗰個樣一樣

不過就算我點樣裝出若無其事

我都冇辦法唔承認
我失去嘅嘢實在太多喇

(唱)

趁熄滅前　還可一見
蠟成了灰　沾污了我的臉
眾生蔓延　淚海被填
浪漫擱淺　舊歡不變

(讀白)

我要走喇
如果你記得返我係邊個

我知道
你一定會　好唔捨得我
仲會好掛住我咖

再見!

是生活質素上升? 或人的質素下降?

羊群心理, 一件平價產品, 價格可炒上過百倍, 依然有大把人爭崩頭~ 大打出手, 大罵出口!

如果我擁有這個產品, 應該沒面子拿出街用; 唔會有人報以羨慕眼光, 怕會被暗暗偷笑跟風, 沒性格, 沒腦袋。 >____<

留在家中放雜物吧~ 既環保, 又不失原義!

來去是空…

今日你同我天各一方,
你有你既生活,
我繼續我既忙碌,
但假如有一日,
我地真係係路上偶然咁撞到,
我地會點下頭，問候一下,
然後已經唔知講咩好,
因為你會發現我已經改變,
正如我可能唔再認識你,
但係咁其實又有咩關係呢?

我…

近期面對了幾個電腦問題, 令我甚為氣結…

1) Netvigator的”超穩定”寬頻上網服務

由以往間中斷線變成近十分鐘斷一次, 無奈得打電話到客戶服務投訴! 換來極到不負責任的”例行檢查”, 檢查後”師傅”堅決說線路沒問題, 只是我的電腦出事吧!

沒辦法好好解決, 只好轉去使用”有線寬頻”吧… (雖速度不甚理想, 但到現在還沒有斷過線, 感謝神!)

2) Buffalo WHR-G54S 過份使用會當機

只用了半年的寬頻分享器, 經常Hang機… 起初以為是受寬頻的斷線影響; 但後來換了有線寬頻, 就發現原來Router本身已有暗病! 上網查詢一下, 原來很多網友們已紛紛設訴Buffalo的這款Broadband Router使用久了(長期在線)經常會出現當機情況~

看到網友說擦一下DD-WRT這個3rd Party Firmware可以舒緩一下這當機問題! 想也沒多想半分鐘, Download了來安裝~ 過程並不簡單, 但最終~ 都成功安裝了!

但… SHIT! Router已經再不能正常操作~ 沒所謂, 反正它的下場本來就是被送到垃圾筒去~

3) D-Link DI-624 Wireless 108G Router 用Wifi會斷線!

氣沖沖跑到高登買了這個產品, 看到包裝精美, 功能吸引, 還有一世保用~ 只要三百多元, 還買了它回家! 起初還幾滿意它的表現… 設定各功能也很方便~ 連接三台PC的上網速度也不錯!

還開心不到半天~ 噩夢來了! 當我把我的Wifi PDA及NDS連上Internet後, 連續出現斷線情況! 不只是PDA及NDS的連接斷了! 是整個Router Reset! 天呀! 這是什麼產品來的?! 急急上網查了一下, 並更新了最新原裝的Firmware, 但並沒有改善… 上網查了一下, 發現這問題早就存在!!! 問題甚至比之前Buffalo的Hang機情況更糟!

連番受到挫折, 沒氣力再去研究問題… 暫時且不用Wifi功能算了! 希望家裡上網暫時可以穩定一段時間吧…

—

非常感受到現今世界… 無論硬件及軟件(產品及服務)也很得過且過… 為了快快賺錢, 草草推出了一件根本不合規格, 或是根本沒QC測試好的產品! 之後的所謂服務支援也是敷衍了事…

最後, 向日趨敗壞的世界致敬!

＊後記:

努力兩日在網上查找解決方法, 終於, 在一位網友的推薦下, 試用了台灣版的最新firmware(4.04twb03):
http://www.dlinktw.com.tw/support/download_view.asp?
ModelSno=NOESDR&HWsno=EIIFEE

暫時運行了兩日, 感覺良好! 希望佢可以繼續健健康康~ 阿們!

突然在半夜醒來, 感覺很奇怪~ 很久沒有試過失眠; 今天也忙了一整天, 臨睡前感覺筋疲力盡… 還以為可以一覺睡到天光, 甚料睡了還不到一小時, 便在凌晨兩時半起了床, 再也睡不了…

上網消磨一下, 看到一些網頁閒談說到「橫簫直笛」這個問題… 大家各有不同意見, 好像爭論了很久也沒有結論~

在之前, 無聊的時候也有探討過這問題… 從小到大就是聽人說「橫簫直笛, 看見人打橫吹的, 便叫簫, 打直吹的, 就是笛… 後來爭拗多了, 便去找找問題的答案… 竟然是…

「橫簫直笛」, 跟「橫笛直簫」根本也沒兩樣… 只是一個形容詞跟一個名詞的結合吧!

簫有橫直, 笛也有橫直… 打直來吹的簫, 便叫直簫… 很簡單直接了吧? 何苦為小小事來煩惱呢? 反正是簫是笛對你也沒太大的關係… 給你糾正了又如何? 變了偉人嗎?

至於簫跟笛的關係~ 我就一直沒有去研究, 反正今晚睡不著, 正是一個好時機來查一查這個有趣的題目… 找了數十個有關簫笛的網頁, 得到了小小結論…

就是, 笛子在吹奏時必須在吹孔旁貼上笛膜, 否則不能發聲, 而簫則不用貼上任何東西, 也可發聲… 原來這麼簡單來區分, 當然… 可能箇中理論還多的是, 不過既然只是打發失眠的時間, 大概一小時的資料搜集也算沒白費吧~

另外, 也找到了一個解釋「橫簫直笛」來源的文章… 說「橫簫直笛」的概念，只是廣東一帶地區的傳統稱呼，傳統的廣東人，以及現今部份的粵劇工作者，都稱呼橫吹的為「橫簫」，而直吹的則稱為洞簫，而他們所說的笛，其實是指嗩吶，即我們俗稱的「D打」。現在一般的民族器樂的稱呼中，都採用「橫笛直簫」的概念為準。

後話: 到現時為止… 我還是覺得吹橫笛最有型有格~ 很世外高人的感覺… 可惜, 至今還未有機會學習一下…